KONTRIBUTI I AKADEMIK REXHEP QOSJES PËR THEMELIMIN E SHQIPES STANDARDE
Valdet HYSENAJ
Abstract
Ky punim trajton kontributin shumëdimesional të akademik Rexhep Qosjes në themelimin e shqipes standarde, jo vetëm brenda veprimtarisë për standardizimin e gjuhës së njësuar letrare shqipe, por edhe në në disa fusha me vlerë të përhershme si p. sh.: arsimore, shkencore, kulturore, historike, letrare, gjuhësore, kritike, gjithëkombëtare etj., me theks të veçantë në rolin e tij që nga Konsulta Gjuhësore të Prishtinës e mbajtur më 22 dhe 23 prill të vitit 1968, e cila paraprakisht përgatiti terrenin për Kongresin e Drejtshkrimit të vitit 1972.
Qosja, përmes veprave të tij shkencore, kritikave letrare dhe kumtesave, përfaqëson një figure qendrore në këtë proces, duke parë shqipen jo si një gjuhë, por si një element thelbësor për unifikimin dhe ruajtjen e identitetit kombëtar shqiptar. Megjithë pengesat e shumta politike, përfshirë ato të politikës serbe që kërkonte të ndalonte këtë iniciativë për të ruajtur ndasitë brenda shqiptarëve, përkushtimi i akademikëve si Qosja, Ajeti, Hadri etj. ishte vendimtar për suksesin e kësaj iniciative. Po ashtu, analiza përshkruan sfidat bashkëkohore me të cilat përballet shqipja standarde dhe mbrojtjen e saj ndaj kritikave pa baza shkencore, duke vënë theksin në rëndësinë e saj si një element kyç për unifikimin kombëtar dhe kulturor të shqiptarëve.
Pages: 360 - 365