MIKROTOPONIMET NË FSHATIN ORIZARE
Jetmire ISUFI, Qendresa MUSTAFI, Majlinda KURTISHI
Abstract
Ҫdo vendlindje ka zanafillën e vet, e cila u është lënë amanet të parëve tanë, që u përcollën brez pas brezi, për ta ruajtur ҫdo gjë të vleshme për nderin, burrërinë e krenarinë. Përmes këtij punimi dëshirojmë t’ju tregojmë zanafillën, toponimin dhe mikrotoponimin e këtij fshati. Fshat që njihet përmes historisë, ku kanë lindur e rritur shumë figura të njohura për popullin shqiptar. Ky hulumtim fokusohet në analizën e toponimeve në fshatin Orizare, me qëllim të regjistrimit të familjeve dhe identifikimin e trashëgimisë kulturore e historike dhe rrugës së gjatë e të lavdishme që ka bërë ndër shekuj ky fshat i Komunës së Likovës, i cili shtrihej rrëzë maleve të Karadakut të Shkupit e Kumanovës. Hulumtimi identifikon gjithashtu ndikimin e faktorëve socio-kulturorë në emërtimin e vendeve dhe tregon rëndësinë e ruajtjes së këtyre emrave për trashëgiminë kulturore shqiptare të fshatit. Duke përdorur metoda të hulumtimit të fushës, u mbledhën të dhëna mbi emrat e vendbanimeve, rrugëve, dhe objekteve natyrore në këtë zonë. Toponimet analizohen për të zbuluar lidhjet e tyre me historinë, kulturën dhe identitetin e shoqërisë sonë. Rezultatet na tregojnë se ky territorë është banuar pa asnjë ndërprerje nga popullata shqiptare pasardhës të dardanëve – Ilirë, që nga kohrat më të vjetra e deri tek ato modern, që këtë e dëshmon edhe Orizarja me historin e saj të lashtë. Toponimet e fshatit Orizare janë pasqyra të historisë së saj, duke reflektuar ngjarje historike, karakteristikat gjeografike dhe traditat e kombit shqiptar. Ky studim kontribojë në kuptimin e rëndësisë së toponimeve si elemente të identitetit lokal dhe ofron rekomandime për ruajtjen dhe promovimin e kulturës në Orizare.
Pages: 177 - 181