SHQIPËRIA DHE SHQIPTARËT NË UDHËPËRSHKRIMET E POLITIKANIT FRANCEZ JUSTIN GODART

Esilda LUKU

Abstract

Ky punim ka për qëllim të paraqesë opinionin e ish deputetit, ministrit dhe kryebashkiakut të Lionit, Justin Godart, mbi “vendin e shqiponjave” dhe popullin shqiptar në ditarët vetjakë të mbajtur gjatë udhëtimeve të tij në Shqipëri, nga marsi i vitit 1921 deri në dhjetor 1951. Nëpërmjet hermeneutikës klasike dhe analizës historike të veprave të J. Godart “Shqipëria më 1921” dhe “Ditarët shqiptarë”, artikujve të botuar në shtypin francez, si dhe vlerësimeve të studiuesve shqiptarë ndaj mikut të Shqipërisë, punimi synon të evidentojë interesin e politikanit francez mbi natyrën, resurset ekonomike, zhvillimet politike, kulturën, fenë dhe marrëdhëniet sociale. Gjithashtu, një vend të rëndësishëm në rrëfimet e tij zënë takimet me personalitetet shqiptare, si: Ahmet Zogu, Fan Noli, Gjergj Fishta, Bajram Curri, Luigj Gurakuqi etj. Analiza e udhëpërshkrimeve dëshmon shërbimin e senatorit francez në mbrojtje të çështjes kombëtare, kontributin e tij për pranimin e Shqipërisë në Lidhjen e Kombeve, themelimin e misionit arkeologjik francez në Shqipëri, nën drejtimin e Leon Rey, si dhe krijimin e lidhjes kulturore shqiptaro-franceze.

Pages: 219 - 229