THESAURUS OF THE CHILDREN WORLD

Nikoleta KALLDRËMXHIU

Abstract

Qëllimi i këtij mëtimi ishte nxjerra e sinonimeve dhe antonimeve prej grupeve të fjalëve që dalin në fushën semantike të botës shpirtërore dhe materiale të fëmijëve. Kjo do t’i shërbejë paraqitjes së tyre në një sinonimik të ilustruar për fëmijë. Duke shfrytëzuar fushën leksikore dhe togfjalëshin si burim i parë i kontekstit, përzierja e deduksionit me induksionin si metodologji bëri më të lehtë saktësinë e arritjes sonë e për rrjedhim fëmijën që do të zhvillohet nëpërmjet fjalorit. Punimi jep qasje të zbërthimit gjuhësor të togfjalëshit duke e bërë këtë të fundit burim të sinonimive të reja të botës së fëmijëve. Ideja se mësimi i gjuhës bëhet më mirë me togfjalësha, është vërtetur duke sjellë shembuj konkretë të potencialit të tyre, si instrument që i shton kompetencës komunikative të fëmijëve thellësi, ngjyra dhe variacione leksikore.

Pages: 156 - 167